5-6 სექტემბერს, ბათუმი კულინარიული თავგადასავლების მოყვარულებს უმასპინძლებს.

საქართველოს ტურიზმის ეროვნული ადმინისტრაციის ორგანიზებით, ბათუმში, ძველ ბულვარში, თეთრ კოლონადებთან
გემოფესტი - Gemofest გაიმართება, რომელიც აჭარის უნიკალურ გასტრონომიულ ტრადიციებსა და მრავალფეროვან გემოებს გააერთიანებს.

გარდა ამისა, ფესტივალზე მოეწყობა სამეწარმეო მარკეტი და ორი დღის განმავლობაში სტუმრების განწყობაზე იზრუნებს მუსიკალური პროგრამა ბენდისა და DJ-ის მონაწილეობით. ფესტივალის ფარგლებში იგეგმება სხვადასხვა გასართობი აქტივობაც.

„გემოფესტი“ გაიმართება აჭარის ავტონომიური რესპუბლიკის ტურიზმისა და კურორტების დეპარტამენტის და ბათუმის მუნიციპალიტეტის მერიის მხარდაჭერით.